昨天帶了芊嶠去 Ludus Club 玩 Petite Craftyard，真係好開心，嶠爸專登請假帶埋細佬一齊去玩，有嶠爸幫手湊細佬，我就可以專心陪芊嶠玩。
去到就影左一張全部小朋友都好乾淨的大合照，之後就有四個不同體驗。第一個係用麵粉水，之後有不同的杯和碗，還有漏斗，比小朋友裝左水，利用漏斗來把水漏到另一個容器，好有趣。芊嶠就只掛住玩，漏斗向左自己，一倒就倒左落自己前面，佢仲要望住我一臉無奈🤣🤣
第二個體驗係係沙入面，老師預先將一些小動物公仔埋在沙裡面，叫小朋友用手/匙羹去推開些沙，把動物公仔找出來，兩位外籍老師就會問小朋友咩公仔來，再用英文教佢地講。其實沙堆都幾好玩，係而家好興的沙堆來，是好像泥膠咁唔會玩到周圍都係，但又會有沙的質感，曾經嶠媽都有諗過買返屋企比芊嶠玩。
第三個體驗就是水，但水是藍色的，可以體驗的是用一支支水管吸了水，再禁最高個波波放返些水出來，小朋友細，未識吸水，芊嶠就只識禁個波波放水。另外會有大的撈，是用來撈起一些小波波，然後放落杯子裡，是訓練小肌肉的，芊嶠都玩得好投入。
第四個體驗係用噼啪紙舖成一條路，然後再在上面放一些麵粉球，我的感覺是像小童版石春路，小朋友走在上面，都會有霹靂啪啦的聲音，很搞笑，然後踩在麵粉球上，又會坐下來用手去摸摸麵粉球，感覺下。另外，麵粉球都是不同顏色，家長們又可以跟小朋友認認顏色。細佬係哩個體驗都有份一齊玩，佢都覺得有聲好得意。
四個體驗完，就入班房，老師預備了白畫紙，然後再提供一些染有顏色的冰塊，上面有木夾，小朋友抓住木夾就可以拿起冰塊，再在畫紙上油顏色，七彩顏色，佢地想點油就點油。之後再比小朋友的是一張錫紙，另外比一些水彩顏料，小朋友直接用手點落顏料到，再畫自己想畫的東西，我本來想教芊嶠寫自己英文名，點知寫左KA佢就反抗🤦🏻♀️🤦🏻♀️所以我就放棄，老師話芊嶠好有心機，因為佢每隻顏色都點一點，再畫一畫🤗🤗
最後，亦是重頭戲，老師們預先準備了很多不同顏料，放在大畫紙外，小朋友可以用手仔/腳仔去點他們鐘意的顏色，然後再印在大畫紙上，小朋友們都樂在其中，之後老師又有拎一些印印印的掃出來，讓小朋友用來印顏色，再印在大畫紙上。最後老師拿來一些汽球，汽球裡都裝有水，咁樣汽球就唔會飄走。讓小朋友拎住汽球去印顏色，再印在大畫紙，所有小朋友都玩得好開心。
去到最後，大家當然要影返一張污糟貓的大合照啦！因為我地都住得近，所以幫芊嶠抹左面、手、腳得顏料，我地就返屋企啦！芊嶠一路搭車返屋企，一路話不如下次再去玩，我都話好，下次再去。至少媽媽唔會係屋企咁樣比佢玩🙈🙈
#LudusClub #PetiteCraftyard #九龍城沙浦道 #芊嶠與細佬成長日記
Search